तकनीकवाद बबुआ अब बनल एआई,
खेती में एआई, किसानी में एआई,
डिजिटल सुनामी ले
अवलस एआई। तकनीकवाद बबुआ...
स्कूल में एआई
माहटर बन जाई,
पढ़ी सीखी फेर अपने
फेर सबके पढ़ाई। तकनीकवाद बबुआ...
गाड़ी चलाई
कल-कारखाना चलाई,
जहाज आ रोकेट अपने
से उड़ाई। तकनीकवाद बबुआ...
शिक्षा में एआई, चिकित्सा में एआई,
मानव के जिनगी
बुझाता आसान बनाई। तकनीकवाद बबुआ...
बाकि ख़तरा बा दोसर, गिनले ना गिनाई,
बिगड़ल तकनीक त
भस्मासुर बन जाई। तकनीकवाद बबुआ...
दफ्तर में घुसी, कई नोकरी के खाई,
अपने मनेजर, आ चपरासी बन
जाई। तकनीकवाद बबुआ...
दिमागी काम ना,
मशीन अल्गोरिदम चलाई,
पूंजीवाद बढ़ी, बाद में उहो बिलम
जाई। तकनीकवाद बबुआ...
साधन पर कब्जा, संसाधन पर कब्जा,
टोला मोहल्ला का
विश्व भर के लड़ाई। तकनीकवाद बबुआ...
रक्तबीज बनी फेर
अपने के बनाई,
एकछतर राज करी मानव
के मेटाई। तकनीकवाद बबुआ...
मशीने के काज फेर
मशीने से कराई,
मशीन फेर अपने से
मशीन जन्माई। तकनीकवाद बबुआ...
संभल जा बबुआ, रोक एह क्रांति के,
जिनगी भविष्य में
ना त दुलम हो जाई। तकनीकवाद बबुआ...
- शशि रंजन मिश्र 'सत्यकाम' (12-02-2026)
x
No comments:
Post a Comment